“Mund të arratisen”, Specialja zgjat afatet e paraburgimit për Thaçin dhe Veselin

Gjykata Speciale ka zgjatur afatet e paraburgimit për ish krerët e UÇK, Hashim Thaçin dhe Kadri Veselin.  Mësohet se vendimi është marrë më datë 26 maj por është publikuar sot.

Sipas gjykatës ata kanë rrezik arratisje dhe shkatërrim prove. Po ashtu Gjykata injoroi edhe garancinë e një vendi të tretë siç është Kosova, pasi policia kërkoi “arrest shtëpie” për Thaçin dhe Veselin.

Sipas aktakuzës, midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të UÇK kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë, akuza që nuk janë vërtetuar ende.