Pati shumë thashetheme që e larguan futbollistin nga Real Madridi këtë merkato verore, por këto tashmë janë zhdukur.
Në një intervistë për RTVE gjatë përqendrimit spanjoll për ndeshjet e Ligës së Kombit, Nacho ka konfirmuar se vendi i tij është në Madrid dhe se do të rinovojë deri në qershor 2024.
“Unë shkoj krah për krah me klubin tim dhe me familjen time. Gjithmonë ka oferta nga jashtë por kam vendosur të qëndroj edhe një vit, jam shumë i lumtur për këtë dhe dua shumë të vazhdoj këtu”, deklaroi kapiteni i ri i “Los Blancos”.
Siç ka komentuar ish-lojtari i akademisë së të rinjve të Realit, shumë klube të tjera ishin të interesuara për të marrë shërbimet e tij. Për javë të tëra e ardhmja e mbrojtësit u pa më shumë jashtë sesa brenda Santiago Bernabeut.
Një transferim i mundshëm, veçanërisht drejt Interit, finalistit të Champions League, u duk si ‘punë e kryer’ por ai ka vendosur të mbajë veshur uniformën e bardhë dhe për një vit.
Vazhdimësia e tij nuk është lajmi i vetëm i ditës. Real Madridi po rinovon skuadrën dhe shumë nga lojtarët e tij janë nisur drejt klubeve të tjera.
Ndër këto largime është edhe ai i Karim Mustafa Benzemas, ndaj Nacho Fernández bëhet kështu kapiteni i mbretërorve për sezonin 2023/2024.
I dyti do të jetë Luka Modric, i treti Dani Carvajal dhe i katërti gjermani Toni Kroos.
Që kur bëri debutimin e tij me Mourinhon më 23 prill 2011, Nacho nuk ka arritur kurrë të vendoset si një lojtar kyç në njëmbëdhjetëshen, por falë shkathtësisë së tij, ai ka qenë thelbësor për çdo trajner që është ulur në stol në Santiago Bernabeu.
Këtë sezon ai ka luajtur gjithsej 44 ndeshje në të gjitha garat, në të cilat ka shënuar një gol dhe ka dhënë një asistim.
Qendërmbrojtësi është i vetmi futbollist në skuadër që ka veshur vetëm ngjyrat e Real Madridit. Më 2 shtator 2012, pas një fitoreje kundër Granadës, José Mourinho njoftoi në një konferencë shtypi se lojtari i skuadrës së të rinjve do të bëhej lojtar i ekipit të parë. Në atë moment, ai pushoi së qeni një ‘nxënës’ dhe filloi të vishte numrin 24.
Rekordi i tij me skuadrën e bardhë është i lakmueshëm: pesë Liga të Kampionëve, tre Liga Spanjolle, dy Kupa të Mbretit, pesë Kupa të Botës për Klube, katër Superkupa Evropiane dhe katër Superkupa Spanjolle.
Ai është lojtari i tretë në historinë e klubit me më shumë tituj (23) i barabartë me Modric dhe Gento. Sezonin e ardhshëm ai do të jetë në gjendje të kalojë Marcelo dhe Benzema, të cilët fituan 25 tituj në vitet e tij si lojtar i Real Madridit, gjithashtu ai do të jetë lojtari më jetëgjatë në historinë e klubit.
Discussion about this post