Drejtori i Përgjithshëm i Policisë së Shtetit, Gledis Nano, gjatë mbrëmjes se sotme zhvilloi një takim me drejtorin e ri të Policisë Tiranë, Lorenc Panganika por të pranishëm ishin edhe shefat e tjerë të Komisariateve.
Gjatë këtij takimi, Nano kërkoi nga efektivët e Policisë që të kenë vigjilencë maksimale në 48 orët e ardhshme, për shkak të festimeve të Halloween-it.
Gledis Nano kërkoi që nën vëzhgim të mbahen personat në kërkim, ata me armë pa leje, si dhe të ushtrohet kontroll në ambiente ku ka indicie për veprimatri të paligjshme si lloto sportive apo ushtrim prostitucioni.
Gjithashtu është kërkuar që shefat të ushtrojnë kontrolle nëpër magazina dhe shtëpi me qera për të zbuluar ndonjë “fermë” për prodhim të paligjshëm të bitcoinve.
Kryepolici Nano ka kërkuar krimit ekonomik që të kontrollojë veprimtaritë e qendrave call-center, për shkak se kanë marrë shumë akuza për mashtrim me premtime për investime në bursë.
Ndërkohë që edhe pse nuk ka asnjë të re, më shumë punë është kërkuar për zbardhjen e grabitjen e Nazmi Çangut në Nikël dhe porositësin dhe autorët e vrasjes së Demir Backës.
