Napoli e ka mposhtur Juventusin në stadiumin “Armando Diego Maradona” me rezultatin 2-1 në ndeshjen e vlefshme për javën e katërt të Serie A.
Ndeshja nisi me një rast të mirë për Napolin me Matteo Politanos që rrezikoi që në minutën e parë, por pa qenë i saktë.
Juventusi shënoi që në rastin e parë, kur një gabim të Kostas Manolas e ktheu në gol Alvaro Morata me një goditje të fortë nga brenda zonës.
Në pjesën e dytë Napoli shtoi presionin për të barazuar, duke tentuar të rrezikojë në disa raste.
Goli i barazimit erdhi në minutën e 57-të, kur goditjen e Lorenzo Insgines e mbron fillimisht Wojciech Szczesny, por nga topi i kthyer shënoi Politani për 1-1.
Insigne dhe Fabian Ruiz rrezikuan, për të treguar se Napoli donte fitoren por goli erdhi në minutën e 85’, kur Kalidou Koulibaly shënoi nga afër pas një gabimi të mbrojtjes së Juventusit për 2-1.
Deri në fund nuk kishte më raste dhe Napoli mori fitoren e tretë në tre ndeshje.
Në anën tjetër Juventusi ka vetëm një pikë nga tri ndeshjet e para në Serie A.
