Napoli dhe Eintracht vijnë në këtë takim pas tensioneve jashtë fushës së lojës mes dy tifozerive si dhe debateve që kanë shkaktuar disa deklarata nga eksponentë të klubit gjerman në lidhje me ndalimin e udhëtimit drejt Italisë të tifogrupit ultras të Eintracht.
Fillimisht autoritetet e Kampanias, vendosën, për arsye sigurie të mos autorizonin prezencën e tifozëve miq në Stadio Maradona por më pas, qeveria italiane, zbuti klimën duke hedhur poshtë urdhrin e TAR Campania dhe duke i dhënë kështu mundësinë tifozëve gjermanë të mbështesin nga afër beniaminët e tyre.
Napoli nëse kualifikohet, arrin një rekord. Për “axurrët”, do të ishte çerekfinalja e parë e Champions League në historinë e klubit.
Skuadra e Spallettit po dominon bindshëm në Serinë A si kurrë më parë, kjo falë mbrojtjes perfekte të ofruar nga koreanojugori Kim si dhe kosovari Amir Rrahmani, i cili, është duke luajtur sezonin e tij më të mirë në karrierë, deri tani.
Pikërisht, këta të dy, pritet të jenë titullar në mbrojtje, në takimin që pritet të startojë në orën 21:00, së bashku me Di Lorenzo dhe Rui të cilët kanë për detyrë të ndihmojnë Meret, që të mbajë portën e paprekur. Mesfusha do t’i besohet lojtarëve si Anguissa, Lobotka dhe Zielinski. Në sulm, me gjasë, do startojnë, tre tenorët Politano, Osimhen dhe Kvaratshkelia.
“Shqiponjat” nga Frankfurti, megjithatë, nuk kanë në plan të jenë thjesht një “sparring partner”.
Oliver Glasner, pritet të zbresë në fushë me një rreshtim 3-4-3 shumë sulmues, me misionin, për të shënuar, të paktën, dy gola pa pësuar asnjë, në mënyrë, që ta dërgojë takimin, të paktën, në kohën shtesë.
Gardiani ekstrem, pritet të jetë Trapp. Treshja e mbrojtjes do përbëhet me shumë mundësi nga Tuta, Hasebe dhe Ndicka.
Katër mesfushorët titullarë, flitet se do jenë Buta, Sow, Rode dhe Max. Kamada, veterani Mario Gotze dhe Rafael Santos Borre, kanë detyrën e udhëheqjes së sulmit të “Die Adler”.
Napoli
Meret; Di Lorenzo, Kim, Rrahmani, Rui; Anguissa, Lobotka, Zielinski; Politano, Osimhen, Kvaratskhelia.
Eintracht
Trapp; Tuta, Hasebe, Ndicka; Buta, Sow, Rode, Max; Kamada, Gotze; Borre.
Discussion about this post