Skuadra e Napolit ka mundur Legian e Varshavës në fushën e këtyre të fundit. Bardhekaltërit fituan me shifrat e thella 4-1. Në këtë sfidë luajti si titullar Kastrati ndërsa sulmuesi Ernest Muçi u inkuadrua në pjesën e dytë por nuk la gjurmë. Vendasit kaluan të parët në avantazh por miqtë rikthyen baraspeshën në fraksionin e dytë.
Më pas Mertens, Lozano dhe Ounas shënuan golat e tjerë për Napolin që mori kështu një fitore shumë të rëndësishme duke u ngjitur në kuotën e 7 pikëve në grupin C. Për skuadrën e trajnerit Luçiano Spaleti luajti nga minuta e parë mbrojtësi shqiptar Rrahmani i cili zhvilloi një ndeshje mjaft të mirë. Napoli ka rigjetuar vazhdimësinë edhe në Europa League teksa në kampionat vijon të bëjë mirë në këtë fillim sezoni.
Discussion about this post