Kryeministri në detyrë i Kosovës, Albin Kurti, ka liruar sot nga detyra zëvendësminstrin e Administrimit të Pushtetit Lokal, Arbër Vokrri.
Ky vendim vjen pas deklaratave të zëvendësministrit se diplomatë ndërkombëtarë dhe përfaqësues të institucioneve ndërkombëtare, me veprimet të tyre kanë nxitur trazira në veri të vendit, duke përmendur me emër edhe Shefin e Zyrës së BE-së në Kosovë, ambasadorin Aivo Orav.
Shkarkimi erdhi me argumentin se deklaratat e z. Vokrri nuk përfaqësojnë qëndrimet e Qeverisë së Republikës së Kosovës.
Kujtojmë se Kosova u vizitua ditët e fundit edhe nga përfaqësuesja e lartë e Bashkimit Europian, Kaja Kallas, e cila tha se BE ka nisur heqjen e masave ndëshkuese ndaj Prishtinës.
Discussion about this post