Ish -presidenti i Olympique de Marseille, Bernard Tapie ndërroi jetë mëngjesin e kësaj të diele nga kanceri në moshën 78-vjeçare, njofton familja e tij.
Ai që drejtoi OM midis 1986 dhe 1993 kishte luftuar për disa vjet kundër sëmundjes.
Biznesmeni që shërbeu gjithashtu si ministër i solli klubit të Marsejës vitët e tij më të lavdishme me fitoren në Ligën e Kampionëve në 1993, e para dhe e vetmja deri më tani për një klub francez.
Familja Tapie njoftoi vdekjen e tij këtë të diel:
“Dominique Tapie dhe fëmijët e saj me pikëllimin njoftojnë vdekjen e burrit të saj dhe babait të tyre, Bernard Tapie, këtë të Dielë më 3 Tetor në 8:40 të mëngjesit, si pasojë e kancerit.
U largua në mënyrë paqësore, i rrethuar nga gruaja, fëmijët, nipërit e mbesat dhe vëllai i tij, të pranishëm në shtratin e tij. Ai shprehu dëshirën e tij për t’u varrosur në Marsejë, qyteti i tij i zemrës.”
