Skuadra të mëdha europiane kanë që merkaton e këtij janari me sytë nga situata mes Borusia Dortmund dhe yllit të saj Erling Haaland, dhe presin nga momenti në moment që ajo të ‘çedojë’.
Klubi gjerman bëri gjithçka merkaton e kaluar për ta mbajtur Haaland pranë saj, duke refuzuar çdo kërkesë dhe ofertë që mund ta joshte lojtarin, por jo më.
Nga vera e ardhshme, një klauzolë prej 75 milion euro do të ‘shtrohet’ në tavolinë, dhe kjo nuk mund të refuzohet nga asnjëra nga palët.
Forma e mrekullueshme që Haaland gëzon, po mahnit çdo javë me paraqitjet e tij, dhe ndoshta ka ardhur momenti që bomberi të transferohet në një klub akoma më të madh se gjermanën e Dortmund, ku të ketë edhe suportin e lojtarëve më të mirë.
Me 68 gola në 67 takime të luajtura për Borusia Dortmund, Haaland po tregon që ka ambicie të mëdha, dhe nga ana tjetër skuadra duhet të mësohet me faktin që mund të humbë lojtarin e saj më të mirë në çdo moment.
