Një ngjarje çuditshme ka ndodhur në klubin TS Galaxy të Afrikë së Jugut, ku mësohet se një lojtar është dëbuar nga ekipi pasi konsiderohet si fat i keq.
“The Citizen News” raporton se lojtarët e kësaj skuadre besojnë se rezultatet e dobëta janë pikërisht prej Mohammed Anas, që konsiderohet si ‘ters’.
Ata i kërkuan drejtuesve të klubit që ta largojnë dhe këta të fundit e kanë miratuar dhe tani lojtarit do i duhet të gjejë një tjetër ekip.
“Kudo që ai luajti në Afrikën e Jugut, ekipi i tij luftoi për të mbijetuar ose u largua nga liga. Ai luajti në Maritzburg dhe ata mezi ia dolën të mbijetonin. Ai luajti për Free State Stars dhe ata u rrëzuan nga kategoria, ashtu si Polokwane City. Ai luajti për Black Leopards sezonin e kaluar dhe e njëjta gjë ndodhi. Lojtarët janë të shqetësuar. Ata mendojnë se kjo sjell fatkeqësi. Ata po luftojnë fort, por nuk ka rezultate. Kjo është arsyeja pse ai u shkarkua nga klubi”,-raportohet nga mediat afrikane./K.T/Gijotina.com
Discussion about this post