Edhe pse hera herës po behët thirrje për të shtuar sigurinë në bregdetin shqiptar, kjo thirrje po bie në vesh të shurdhët pasi është pothuajse fundi i sezonit dhe akoma nuk ka masa të marra. Një tjetër pushues është mbytur ndërsa lahej në plazhin e Golemit. Mësohet se bëhet fjalë për një 70-vjeçar nnga Ukraina i cili u nxor nga uji nga pushuesit por nuk mundi të mbijetonte.
Sakaq theksojme se ky është rasti i tretë i mbytjes në plazhet e vendit në 3 ditë. Vetëm të dielën humbën jetë tre pushues, dy në plazhin e Spillesë dhe një në Velipojë. Dy pushuesit që u mbytën në Spille ishin nga Maqedonia e Veriut, kurse në Velipojë humbi jetën një 59-vjeçar nga Kosova.
Prej vitesh tashmë, problematikë në plazhet shqiptare është mungesa e rojeve bregdetare dhe në pjesën më të madhe të rasteve angazhohen pushuesit për t’u dhunë në ndihmën e parë personave që rrezikojnë mbytjen në det.
