Banorët e fshatit Orman kanë protestuar gjatë ditës së sotme për mungesën e ujit të pijshëm pasi prej dy muajsh nuk kanë ujë në fshat. Ata thonë se në harkun kohor të 30 viteve uji në këtë zonë në shtëpitë e tyre ka ardhur me orar dy herë në ditë.
“Në 30 vite uji ka qenë me orar dy orë në ditë duke mos plotësuar as kushtet minimale, ndërsa prej rreth 2 muajsh nuk ka fare ujë në fshat”, shprehen banorët.
Ata tregojnë se gjatë kësaj periudhe kanë mbushur ujë në fshatrat më të afërta, por kjo ka rritur kostot e tyre të jetesës.
“Jemi të frikësuar për shëndetin tonë, kemi probleme me shëndetin, operuar nga veshkat, detyrohemi të mbushim ujin në fshatrat më të afërta duke na shtuar kostot”, thotë një tjetër banorë.
Fshati Orman me rreth 2000 banorë ka probleme me ujin e pijshëm prej 30 vitesh./ Gijotina.com
