Presidenti i Italisë ka pranuar dorëheqjen e kryeministrit Mario Draghi këtë të enjte. Draghi ofroi dorëheqjen javën e kaluar, pasi partia partnere e koalicionit Lëvizja Pesë Yjet, ka bojkotuar një votim të rëndësishëm në Senat. Mirëpo presidenti italian nuk e pranoi dorëheqjen e Draghit, ndërsa sot ka njoftuar ndryshim të vendimit.
Kujtojmë se kryeministri italian Mario Draghi ka kërkuar ndërprerjen e seancës në dhomën e deputetëve, dhe ka shkuar në pallatin presidencial të Kirinalios për të takuar presidentin e republikës Sergio Mattarella.
Mattarella, i cili disa ditë më parë nuk kishte pranuar dorëheqjen e Draghi, duke i bërë thirrje të mos hiqte dorë pritet të pranojë këtë herë dorëheqjen e kryeministrit teknokrat.
Sipas mediave të vendit, Italia po përgatitet për diçka jashtëzakonisht të rrallë në historinë politike të vendit, përkatësisht një fushatë elektorale në mes të verës. Sipas gazetës La Repubblica, zgjedhjet pritet të mbahen më 2 ose 9 tetor.
Discussion about this post