Në kërkim të “spiunit”, SPAK kontroll në banesën e gazetarit

Gazetari Elton Qyno ka qëndruar më shumë se 9 orë në mjediset e SPAK, ndërsa nga raportimet mësohet se prokuropri Behar Dibra dhe agjentë të BKH-së, i ka kërkuar të tregojë burimin, lidhur me publikimin e dokumenteve që janë në dosjet që janë në duart e këtij institucioni.

Gazetari, sipas raportimeve, i ka qëndruar parimit se “burimi nuk tregohet”, çka duket ka sjellë edhe mbajtjen e tij për orë të tëra në mjediset e Prokurorisë Speciale.

Në mbrëmje, gazetari është shoqëruar nga agjentët e BKH-së, në banesën e tij, ku në prani të familjarëve të tjerë, përfshi edhe fëmijë të mitur, i është ushtruar kontroll. Gjithashtu raportohet se kontroll do të ushtrohet edhe në televizionin ku punon gazetari Qyno.

I gjithë “operacioni” i SPAK synon zbulimin e “spiunit” që furnizon me dokumente gazetarin, ndërsa kjo situatë ka shkaktuar reagime të kolegëve gazetarë.

“SPAK ka shoqëruar prej afro 10 orësh gazetarin Elton Qyno.

Kërkojnë të dinë përse ka publikuar pjesë të dëshmisë së të penduarit Nuredin Dumani, pasi më herët kishin kërkuar me shkrim çuditërisht mospublikim. Kanë ushtruar edhe kontroll banese.

Një i paidentifikuar shoqërohet 8 orë gazetarit ia dyfishojnë kohën dhe nuk ka konsumuar asnjë vepër penale.

Kjo është në shumë se tepër. Drejtuesi z Dumani duhet të dijë se kjo është tepër dhe jo punë drejtësie..

Interesi publik dhe ai hetimor shpesh nuk janë e njëjta gjë..

Shoqatat e gazetarëve ndjesë paçin…”, shkruan gazetari Basir Çollaku.

Ndërsa në një tjetër reagim, gazetari Flamur Vezaj shkruan “Turp!

Prokurori Behar Dibra prej ores 11:00 am mban te “arrestuar” kolegun tone Elton QYNO ne SPAK!

SPAK prej orës 11:00 i kërkon Elton Qynos burimet, kontroll edhe në shtëpi e në Ora Neës, gazetari: Burimi nuk tregohet!

Arsyeja, i kerkon BURIMIN E INFORMACIONIT per lajmet e dosjes se Nuredin Dumanit e jo vetem!

Eshte e turpshme se si mund te ndalosh apo mbash per ore te tera nje GAZETAR duke kerku burimin e informacionit apo telefonat!
Mos i beni presion se Eshte e turpshme!

Ftoje koleget Ta bejne LAJM se do i vi radha Edhe Juve!

P.S. Behar Dibra apo oficereve te Byros, jam une personi Qe i kam dhene DOSJEN e Dumanit Qynos!”.