Në konferencën e përbashkët me kryeministrin Edi Rama dhe atë të Maqedonisë së Veriut, Zoran Zaev, presidenti Alexandër Vuçiç ka bërë me dije se nisma e “Open Balkan” do të jetë në shërbim të qytetarëve shqiptarë, serbë dhe maqedonas.
Sipas tij, me marrëveshjet e nënshkruara sot, do të rritet më shumë mundësia që turistë serbë dhe maqedonas të vizitojnë plazhet e bukura shqiptare dhe anasjelltas. Nga Tirana, Vuçic ka theksuar se Serbinë, shqiptarët dhe maqedonasit ta shikojnë si shtëpinë e tyre të dytë.
“Ne duhet të përqendrohemi në të ardhmen dhe këto gjera që ne kemi bërë për fermerët dhe për bujqësinë, kemi bërë që shumë turistë nga Shqipëria dhe nga Maqedonia të vijnë në Serbi dhe anasjelltas që qytetarët serbë të vijnë në plazhet e bukura shqiptare dhe liqenet e Maqedoninë. Në emër të qytetarëve serb dëshiroj që të shpreh mirënjohjen time dhe që Serbinë ta shikojnë si shtëpinë tuaj, dhe ne duhet të ndihemi kështu në Tiranë dhe në Shkurt. Heqja e barrierave jo tarifore dhe më pas ato tarifore”, ka thënë Vuçiç.
Ndërkohë, Vuçiç nga Tirana a përsëritur dhe thirrjen për tre vendet e tjera që të bëhen pjesë e kësaj nisme si një mundësi që të rritet numri i turistëve vendas në rajon.
Discussion about this post