Gazetari Ylli Rakipi tregoi në emisionin e tij, se si në një mbrëmje, në një restorant makaronash ka gjetur në të njëjtën tavolinë kryebashkiakun e Tiranës, Erion Veliaj, djalin e Sali Berishës, Shkëlzenin dhe gazetarin Çim Peka.
“Vetë në një mbrëmje, mbarova emisionin dhe vete. E gjej dhe mbeta i shastisur dhe nuk fjeta. Me kë e gjeta?! E gjeta me kolegun Çim Peka dhe Shkëlzen Berishën. Mbeta shumë i habitur dhe ata më shikonin ç’është kjo habi e madhe e imja”, tha gazetari.
Lidhur me këtë deklaratë ka reaguar edhe Shkëlzen Berisha.
Në reagimin e tij, ai shkruan se, kjo deklaratë është një trillim i vërtetë, pasi siç shkruan ai, nuk është takuar kurrë me Erion Veliajn.
Reagimi i Shkëlzen Berishës:
Sot lexova për një trillim të përcjellë në një studio televizive për gjoja një takim timin me Erion Velinë para shumë vitesh.
Së pari sado qesharak pretendimi, në respekt të vërtetës dhe të opinionit më duhet të sqaroj se nuk jam takuar KURRË me personin në fjalë ASKUND dhe ASNJËHERË.
Me Erjon Velinë me lidh vetëm neveria ndaj shpifjeve të adresuara nga ai ndër vite, ndaj meje, fëmijëve dhe familjarëve të mi.
Së dyti pavarësisht neverisë ndaj personit në fjale, dëshiroj që emri im të mos përdoret si instrument në luftën e brendshme të grupeve e klaneve në pushtetin e kalbëzuar të Edi Ramës, që sot e gjithë ditën, helmojnë dynjanë duke spiunuar e shpifur për njëri-tjetrin!
Së treti ky sqarim bëhet dhe për ata pseudo opozitarë që mungesën ULËRITËSE të reagimit ndaj vjedhjes se 160 milone eurove ne aferat e inceneratoreve dhe kompanisë 5D, kërkojnë dëshpërimisht ta fshehin e justifikojnë pas çdo trillimi e shpifje për të bërë opozitën e opozitës për llogari të pushtetit.
Discussion about this post