Në prag të festave të fundit, janë të shumtë shqiptarët e Kosovës, të cilët kthehen në vendin e tyre për pushimet dimërore. Kjo ka shkaktuar edhe fluks në disa prej pikave kufitare, por mëngjesin e së hënës gjendja në këto pika kufitare është e qetë dhe pritjet nuk qenë të gjata.
Ministria e Punëve të Brendshme të Kosovës ka përditësuar të dhënat rreth fluksit në pikat e kalimit kufitar. Në bazë të këtyre të dhënave, mëngjesin e së hënës pritjet në hyrje të pikave kufitare në Kosovë nuk qenë më të gjata se 10 minuta. Pothuajse në të gjitha pikat kufitare, qenë nga 3 deri në 5 minuta. Njësoj edhe në dalje të pikave kufitare, ku pritja më e gjatë shkon 5 minuta.
Edhe në pikat kufitare të Kapshticës apo Kakavijës ka pasur gjithashtu një fluks të madh emigrantësh, të cilët pavarësisht masave anti-Covid i janë drejtuar vendit tonë për festa.
Discussion about this post