Dy javë pasi u lirua nga burgu, këngëtarja Fjolla Morina gjatë ditës së sotme është shfaqur në publik, por kësaj radhe duke votuar në zgjedhjet lokale të cilat po mbahen në Kosovë. Fjolla ka votuar në Fakultetin e Filologjisë në Prishtinë dhe ka qenë e shoqëruar me vajzën e saj.
Ajo në një prononcim për mediat kosovare tregoi se tani po kalon më shumë kohë më familjen e saj.
“Njerëzit e fortë gjithmonë kalojnë gjëra shumë të mëdha në jetë, ata që janë të fortë i tejkalojnë” – u shpreh Fjolla Morina.
Ajo më tej është pyetur nga gazetarët se a ka menduar t’i futet ndonjëherë politikës, këngëtarja u përgjigj se mund të ndodhë ndonjëherë.
“Ka raste që e kam menduar, por më mirë jo. Ndoshta mundet me ndodhë ndonjëherë më vonë, pse jo. Obligimin tim e bëra dhe shpresoj që ka me u bë një shtet shumë i fortë se Shqipëria” – u përgjigj ajo duke qeshur.
Kujtojmë se në korrik të këtij viti, këngëtarja ka përfunduar është arrestuar nga Policia e Kosovës në lokalin e saj në lagjen Emshir të Prishtinës. Fjolla Morina ishte shpallur në kërkim ndërkombëtar nga Interpoli, pasi mbi të rëndonin akuza për trafikim të armëve dhe municionit në Shqipëri.
Si shkak të një arrestimit të saj vitin e kaluar në pikën kufitare Kosovë-Shqipëri, ku ajo u kap me dy pistoleta në makinën e saj, shoqëruar nga dy persona të tjerë. Në shtator Gjykata ka refuzuar kërkesën e Prokurorisë për ekstradimin e saj drejt Shqipërisë si dhe i është ndërprerë masa e paraburgimit.
