Deputeti i Partisë Demokratike Dashnor Sula ka quajtur si të vetmit përgjegjës politikanët shqiptarë për gjendjen ku është vendi ynë sot.
Ai u shpreh gjatë një interviste për “Vizion Plus” se në vitin 2013 u kuptua nga të gjithë që pati një pakt mes ish-kryeministrit Sali Berisha dhe pasuesit të tij Edi Rama.
Sipas tij, kjo marrëveshje përfshinte dhe kreun e LSI asokohe Ilir Metën, i cili la qeverinë për tu bashkuar me Partinë Socialiste.
“A kam unë rezerva për Sali Berishën? Pa diskutim shumë. Kam qasje të ndryshme për mënyrën se si është drejtuar PD-ja, apo si u bënë tani lëvizjet e Foltores. Nuk jam dakord me tezat e tyre, por jam opozitar dhe duhet të jemi të gjithë në protesta. Kam rezerva edhe për Ilir Metën. Këta që kanë drejtuar politikën shqiptare këto vite kanë përgjegjësitë e tyre. Është faji i Ilir Metës dhe i Berishës për marrëveshjen e 1 prillit. Ishim në Parlament të gjithë në fund të marsit, të gjithë ishin të qeshur kur papritur iku Ilir Meta në 1 prill. Budalla unë nuk jam. Unë e kuptoj se si lëvizin gjërat. Dhe çfarë ndodhi? Pas 2013 më gjej një dosje të një ish ministri tonit që të shkonte para drejtësisë për korrupsion? Ndodhi sepse ka marrëveshje”, tha Sula.
Discussion about this post