Deputeti i PD, Gazment Bardhi, ka folur gjatë një interviste televizive në lidhje me procesin për zgjedhjen e Presidentit të Republikës. I pyetur nëse po negociohet me PS për të gjetur një emër të pranueshëm nga të dy palët, Bardhi tha se së pari Rama duhet ta heq nga mendja se mund të propozojë si merë non-gratat e tij, ndërsa tha se mazhoranca nuk ka legjitimitetin e nevojshëm për të vendosur vetëm mbi këtë proces.
“Ne kemi prezantuar një dokument serioz dhe transparent për zgjedhjen e president të Republikës. Kjo mazhorancë nuk ka legjitimitetin e nevojshëm për zgjedhjen e presidentit. Besoj se nuk do të përdorë votat nga non-gratat e tij për presidentin. Kujtoj që dy mandate janë rrjedhojë e personave të shpallur Kjo mazhorancë zbret në një numër të pamjaftueshëm për të zgjedhur Presidentin e Republikës. President i Republikës është i vetmi institucion si unifikues i popullit”, tha Bardhi.
I pyetur nëse mund të konsiderohet e rrëzuar platforma e propozuar nga Enkelejd Alibeaj, ai u shpreh që jo, me arsyetimin se mbetet qëndrim i Grupit Parlamentar.
“Ne jemi duke diskutuar me grupe të tjera parlamentare të opozitës për të dalë të gjithë bashkë. Nëse nuk bihet dakord me rregulla të shkruara, unë nuk do të isha pro. Procesi duhet të jetë gjithë përfshirës…Edhe procesi i negociatave do të duhet të jetë i hapur”, u shpreh ai. Ndërsa theksoi se më e rëndësishmja është që president të zgjidhet një person i cili do t’iu shërbejë siç duhet shqiptarëve.
Discussion about this post