Shqipëria dhe Maqedonia e Veriut pritet të marrin dritën jeshile nga BE në muajin qershor, të paktën kështu shkruan media e huaj “Euractiv”, duke nënvizuar se kjo vjen pas ofertës së Ukrainës.
Në artikull shkruhet se Shqipëria mund të kërkojë shkëputjen nga Maqedonia e Veriut, referuar deklaratës së fortë të kryeministrit Edi Rama në Kongresin e së shtunës ku tha se Shqipëria do të bëjë të pamundurën që të ndahen nga Maqedonia e Veriut në rrugën drejt BE.
Artikulli i plotë:
Shqipëria mund të kërkojë shkëputjen nga Maqedonia e Veriut dhe të shtyjë për anëtarësim të vetëm në BE, sipas kryeministrit Edi Rama.
Përpjekja e Shqipërisë për t’u bashkuar me bllokun ka qenë e lidhur me fqinjin e saj, Maqedoninë e Veriut. Ndërsa të dyja vendet kanë përmbushur kërkesat, në letër, Bullgaria ka vënë veton ndaj këtyre të fundit për çështjet historike dhe të të drejtave të njeriut.
“Shqipëria nuk mund të presë më që dy fqinjët të zgjidhin zënkën e tyre. Kursi ynë në atë drejtim do të ndryshojë plotësisht”, tha Rama të enjten në Tiranë.
Ndërkohë, ndjenja në Bruksel është se zgjerimi ka vdekur dhe se Shqipëria mori vetëm një votë unanime për të vazhduar anëtarësimin, sepse ata e dinin se vetoja bullgare kundër Maqedonisë së Veriut do të ndalonte përparimin në binarët e saj.
Megjithatë, burime të tjera thonë se pas ofertës së Ukrainës për t’u anëtarësuar në BE, Shqipëria dhe Maqedonia e Veriut do të marrin dritën jeshile në qershor.
Një opinion mbi pranimin e Ukrainës, duke përfshirë nëse procesi mund të përshpejtohet, pritet gjatë të njëjtit muaj. Burimet thonë se një vlerësim pozitiv për Ukrainën nuk mund të jetë në tryezë nëse Shqipëria dhe Maqedonia e Veriut nuk përparojnë. Serbia dhe Mali i Zi janë në krye nga gjashtë vendet e Ballkanit Perëndimor.
Por procesi i pranimit të Malit të Zi ka stagnuar disi dhe ndërsa Serbia vazhdon të hapë kapituj, nuk ka vullnet të vërtetë politik për t’u bashkuar me BE. Shqipëria dhe Maqedonia e Veriut janë të radhës, në pritje për të nisur zyrtarisht bisedimet, ndërsa Kosova dhe Bosnja dhe Hercegovina nuk kanë marrë ende statusin e kandidatit.
Kryeministri Edi Rama mbërriti ditën e djeshme në Gjermani në kuadër të një vizitë zyrtare, ku sot do të takohet me kancelarin gjerman Olaf Scholz, ndërsa fokusi i takimit pritet të jetë çelja e negociatave.
Discussion about this post