Protesta popullore hyn sot në ditën e 49-të të rezistencës së saj për rrëzimin e qeverisë dhe largimin e klasës së vjetër politike.
Deputetja tashmë e pavarur, ish-socialistja Marjana Koçeku, e njohur edhe si ‘Neomalsorja’, ka ndarë për mbështetësit e saj dhe publikun një video-mesazh në rrjetin social, ku shprehet se është nisur drejt Tiranës për t’iu bashkuar sheshit.
Ndërsa e cilëson një lëvizje frymëzuese dhe rezistencë të rinisë dhe qytetarëve, deputetja shprehet se tashmë revolta nuk ka ndër mend të ndalet më.
“Do t’i bashkohem protestës e cila sot është në ditën e 49 të saj. Është kaq frymëzuese dhe kaq e bukur rezistenca e qytetarëve dhe rinisë që kanë pasur gjatë këtyre ditëve në rrugët e vendit dhe siç duket nuk ka asnjë shenjë që të ndalet”, thekson ajo mes të tjerash në video-mesazhin e saj në FB.
Sot para Kryeministrisë do të zhvillohet protesta e 49-të radhazi ku kërkohet dorëheqja e kryeministrit Edi Rama.
‘Neomalsorja’ u largua nga grupi parlamentar socialist rreth 1 muaj më parë dhe “shpërtheu” në kritika ndaj mazhorancës dhe Ramës, ndërsa edhe ajo, tanimë si ish-socialiste kërkon largimin e kreut të qeverisë.
Discussion about this post