“Presidenti rus Vladimir Putin nuk do të kishte pushtuar Ukrainën nëse do të ishte një grua”, është ky komenti i kryeministrit britanik, Boris Johnson që ka shkaktuar tërbimin e Kremlinit.
Rusia kërkoi takim me ambasadorin e Britanisë së Madhe në Moskë për të protestuar ndaj këtyre komenteve dhe pohimeve të një zyrtari tjetër britanik mbi figurat kryesore të qeverisë ruse.
Rusia i tha ambasadores Deborah Bronnert se ajo kundërshtonte “me vendosmëri” deklaratat e pasjellshme” të udhëheqjes britanike në lidhje me Rusinë, liderin e saj, përfaqësuesit zyrtarë të autoriteteve, si dhe popullin rus.
Ministri Britanik i Mbrojtjes, Ben Ëallace provokoi gjithashtu zemërimin e Rusisë pasi ai akuzoi zëdhënësen e Ministrisë së Jashtme ruse se “çdo javë, kërcënon se do të godasë të gjithë me armë bërthamore, në një mënyrë apo një tjetër”.
Ministria e Jashtme ruse tha se ishte “e papranueshme” që zyrtarët britanikë “të shpërndajnë qëllimisht informacione të rreme, veçanërisht mbi kërcënimet e supozuara nga rusët që ‘ zgjedhin të përdorin armë bërthamore’”
Discussion about this post