Zv.ministrja e Shëndetësisë Mira Rakacolli ka treguar se nesër do të mblidhet Komiteti Teknik i Ekspertëve, ndërsa ka cekur dhe disa nga vendimet që pritet të merren.
Sipas saj, nesër do të diskutohet nëse do të kemi një dozë të tretë vaksine dhe kur mund të filloj. Sipas saj, Komiteti do të vendos nëse do të ketë ulje të moshës së vaksinimit anti-Covid që flitet për deri në 16 vjeç dhe vaksinimin e +12 vjeç por vetëm për ata fëmijë të cilët kanë problematika shëndetësore. Rakacolli tha se, doza e tretë e vaksinës suk bëhet kurrë përpara 6 muajve që ka mbaruar doza e dytë.
“Nesër Komiteti do të shqyrtojë rekomandimet e komitetit të vaksinimit të cilët janë të fushës për rekomandimet e vaksinimit. Një nga problemet është dhe doza e 3 e vaksinimit. Mënyra si do bëhet kjo si do fillojë kriteret ato do të dalin pas mbledhjes në bazë të një udhëzimi të komitetit
Ajo që do diskutohet nesër në mbledhje bëhet fjalë për një fillim të një doze të 3 vaksinimi, çfarë dihet deti tani është se kjo dozë është përforcuese por nuk bëhet kurrë përpara 6 muajve që ka mbaruar doza e dytë ashtu sikurse diskutohet do të ketë edhe udhëzime të qarta që do bëhen nga ISHP për ata persona që janë me imunitet të kompromentuar. Një tjetër diskutim që do jetë dhe ai i uljes së moshës së të vaksinuarve dhe të fëmijëve”, tha Rakcolli.
Sipas saj, nga të dhënat e deri tanishme nuk pritet që të kemi shtrëngim masash, gjithsesi vendimi do të jepet nesër duke analizuar çdo të dhënë.
