Prej vitesh tanimë Greta Koçi është larguar nga Shqipëria dhe po jeton në Vjenë. Artistja njoftoi se ishte martuar dhe se tashmë jetën si çift po e jetonin në Vjenë, duke lënë pas karrierën e ndërtuar në vendin tonë. Në një pyetësor të bërë në rrjetet sociale, këngëtarja ka zbuluar disa detaje nga jeta e re. Natyrisht që të shumta kanë qenë pyetjet rreth partnerit. Edhe pse ka ndarë disa detaje, ajo ka refuzuar që të jap detaje rreth identitetit të bashkëshortit. Por duket se marrëdhënia e tyre është në ditë të arta, aq sa Greta nuk ndjehet xheloze për partnerin.
“Jo nuk jam natyrë xhelozeje dhe jam shumë në rregull me këtë fakt”, u shpreh artistja.
Më tej ajo është pyetur nëse kishte ndërmend të bënte një dasmë. ”Këtë s’di ta them po nëse do ndodhi sigurisht që ju do e bëni më magjike. Ju kam xhan shumë.”, ka përfunduar Greta
Ata shkojnë më tej duke e pyetur se si ka arritur të humbasë shumë kilogramë dhe Greta përgjigjet:
Unë për vete nuk jam dobësuar me dietolog. Jam dobësuar duke matur kaloritë dhe duke krijuar një rutinë të të ngrënit shëndetshëm.
Discussion about this post