Pesë shtetas të shpallur në kërkim prej muajsh janë arrestuar në Tiranë dhe Krujë.
Mes të arrestuarve është edhe një 32-vjeçar nga Tirana, i dyshuar për tentativë vrasjeje. Ai akuzohet se më 12 shkurt 2024 goditi me thikë një person pas një konflikti për motive të dobëta, dhe prej asaj kohe ishte në arrati.
Në Krujë, është ndaluar një 40-vjeçar i dënuar me pesë vite burg për kultivim të kanabisit, ndërsa dy të rinj, 20 dhe 38 vjeç, janë kapur në periferinë e Tiranës si pjesë e aktiviteteve të lidhura me prodhimin dhe shitjen e lëndëve narkotike.
Ndërkohë, një tjetër shtetas është ndaluar pasi ishte dënuar nga Gjykata e Tiranës për dhunë në familje dhe nuk ishte paraqitur për vuajtjen e dënimit.
Discussion about this post