AF Elbasani zhvilloi një sezon të jashtëzakonshëm në Kategorinë e Parë, duke siguruar ngjitjen në Superiore.
Lidhur me suksesin e ekipit ka folur drejtori sportiv i klubit Elton Guranjaku, i cili në një intervistë televizive ndau sfidat që nga krijimi i klubit tre vite më parë, e deri te ngjitja në ajkën e futbollit shqiptar.
Si një nga arritjet më emocionuese, ai veçoi rikthimin e tifozëve elbasanas në shkallët e stadiumit, për të mbështetur skuadrën.
“Gjëja më e bukur është që në këtë sezon arritëm të rikthenin atë tifozeri të mrekullueshme që ka Elbasani. Sepse në ndeshje të caktuara arritëm deri në 6 000 – 7 0000 tifozë në stadium. Edhe në Superligë sot nuk i gjen këto tifozë”, u shpreh Guranjaku.
Intervista
- Sa punë është dashur dhe si ka qenë ky rrugëtim?
Guranjaku: Në fakt ishte një projekt që nisi tre vite më parë nga kryetari i Bashkisë Gledjan Llatja bashkë me administratorin e klubit Mariglen Çogu, të cilët nisën këtë projekt e që fatmirësisht arritëm ta kurorëzonim me ngjitjen në Superligë. Por, faktikisht kanë qenë tre vite mjaft të rëndësishme për ne, mjaft të lodhur, me shumë sakrifica, por e rëndësishme është që në fund ja dolëm dhe kjo është kënaqësia më e madhe për të gjithë ne.
- Si ju ka pritur qyteti, besoj që në gjithë këtë histori 10 vite le të themi inekzistent, ka pasur edhe skeptikë që nuk besonin se do të arrinit kaq shpejt deri këtu?
Guranjaku: Në fakt Elbasani kishte nëntë vite që nuk luante më në Superligë. Pas atyre viteve të arta, ishte gati një ‘black out’ për qytetin, për sportin dhe u desh kjo infinitivë e kryetarit, e Genit (Mariglen Çogu), të cilët bënë të mundur që ta rikthenin sërish sportin në këtë qytet. Skeptikë kishte në fillim. Ishte shumë e vështirë të bindje njerëzit që ky është një klub që do rikthehet shumë shpejt në majat më të larta të futbollit në Shqipëri. Dhe ja ku jemi sot. Zyrtarisht jemi në Superligë dhe gjëja më e bukur është që në këtë sezon arritëm të rikthenin atë tifozeri të mrekullueshme që ka Elbasani. Sepse në ndeshje të caktuara arritëm deri në 6 000 – 7 0000 tifozë në stadium. Edhe në Superligë sot nuk i gjen këto tifozë.
Discussion about this post