Prokuroria Themelore në Gjilan ka ngritur aktakuzë ndaj menaxherit të reperes së njohur, Tayna, Rinor Hykolli.
Aktakuza është ngritur për veprën penale “Lëndim i rëndë trupor”, ku u ndalua nga policia pas një konflikti të ndodhur në një klub në Gjilan.
“I pandehuri Rinor Hykolli, më 22 Korrik 2021 rreth orës 00:40 minuta në diskotekën “Stop”, në Gjilan me dashje dhe me përdorimin e dhunës, për shkak të një mosmarrëveshje të mëhershme, i ka shkaktuar lëndime trupore të dëmtuarit L.B., duke e goditur me dorezë të revoles në pjesën e pasme të kokës, e më pas e ka goditur me grushte në kokë dhe pjesë të ndryshme të trupit, të cilit i ka shkaktuar lëndime të rënda trupore, për të cilat i njëjti ka kërkuar trajtim mjekësor”, thuhet në aktakuzë.
Menaxheri i Taynas gjendet nën masën e paraburgimit që nga 3 nëntori, dhe me rastin e aktakuzë është propozuar që t’i vazhdohet masa e paraburgimit.
