Është mbyllur ditën e djeshme faza e parë e “Abissnet Superiore”, ndërsa në fundjavë do të luhet java e 10-të e kampionatit.
Të shtunën e të dielën do të zbresin në fushë të gjithë skuadrat, por tashme me orare të reja. Të shtunën do të luhen 3 sfida.
Gjithçka do të nisë në orën 14:00 ku në Kamëz, Kastrioti do të sfidojë Bylisin. Në orën 16:45 do të luhen dy ndeshjet e tjera. Në stadiumin “Loro Boriçi” do të jetë dueli Vllaznia-Erzeni dhe në stadiumin “Niko Dovana” do të jetë ndeshja Teuta-Laçi.
Ndërsa dita e dielë do të rezervojë dy duele interesante. Në orën 14:00, në stadiumin “Egnatia Arena”, Egnatia-Partizani dhe në stadiumin “Elbasan Arena”, kryesfida e javës së 10-të, Tirana-Kukësi.
Discussion about this post