Ish-ministri i Mjedisit Lefter Koka ka kërkuar bashkimin e çështjeve të inceneratorit të Fierit dhe atij në Elbasanit. Në seancën e sotme që është duke u zhvilluar në GJKKO, Koka ka kërkuar bashkimin e çështjeve me arsyetimin se në të dyja dosjet janë të përfshirë të njëjtët persona.
Në seancë janë të pranishëm Lefter Koka dhe Alqi Bllako, dy të arrestuarit e SPAK për çështjen e inceneratorëve.
Aktualisht Lefter Koka është nën dy masa sigurie “arrest me burg” për inceneratorin e Fierit dhe atë të Elbasanit.
I arrestuar gjithashtu është edhe ish-deputeti i PS, ish-sekretar i Përgjithshëm i ministrisë së Mjedisit, Alqi Bllako.
Koka akuzohet për “shpërdorim detyre”, “pastrim parash” dhe “korrupsion”. Hetimet për inceneratorin e Elbasanit janë të parat që përfundojnë nga SPAK, teksa në proces përfundimtar është edhe ai i Fierit.
Deri tani, SPAK ka sekuestruar një sërë pasurish për të inceneratorin e Elbasanit, përfshirë 14 apartamente, 3 njësi tregtare dhe 8 shoqëri tregtare.
Mësohet se gjyqi është shtyrë sërish në ngarkim të të akuzuarve, Seanca e radhës u la më 1 shkurt 2023.
Discussion about this post