Mbas qytetit të Fierit thirrjes së Partisë Demokratike për protestë paqësore këtë të shtunë nën moton “Stop vrasjes në komisariate”, pas vdekjes së të riut Ilvi Meta në Kavajë, i është përgjigjur edhe qyteti i Vlorës. Vlonjatët kanë ndezur qirinj këtë mbrëmje para komisariatit të qytetit në shenjë proteste për Ilvi Metën, në mënyrë që të mos përsëriten më raste të tilla.
Ndërkohë, protestat po zhvillohen në të gjitha komisariatet e policisë në qytete të ndryshme të vendit.
Gjithashtu, mësohet se në orën 20.00 përfaqësues të PD-së kanë ndezur qirinj para ambienteve të Komisariatit në shenjë proteste për të riun që humbi jetën në Komisariatin e Kavajës.
“Ne orën 20.00 pranë të gjitha komisariateve të policisë në të gjithë vendin do të ndizen qirinj në një protestë të heshtur paqësore nën moton “Stop vrasjes në komisariate”. Në Tiranë qirinjtë do të ndizen tek Kryeministria, po në orën 20.00. Ftojmë mediat në Tiranë dhe në rrethe të ndjekin këtë protestë të heshtur”.
Lidhur me këtë ngjarjen e rëndë është ngritur një grup hetimor. Ndërkohë babai i viktimës, Agim Meta, në një komunikim deklaroi se nuk besonte tek versioni i policisë, pasi djali i tij nuk kishte probleme. Sipas Agim Metës, djali i tij 31-vjeçar njihej nga të gjithë si një djalë i qetë dhe pa probleme.
Discussion about this post