Të tjera detaje kanë dalë ngjarja që tronditi qytetin e Vlorës këtë mbrëmje. Sipas të dhënave autorët kanë qëlluar disa herë ndaj efektivëve, por deri më tani në vendngjarje janë gjendur vetëm 5 gëzhoja. Siç shihet edhe nga pamjet makina e policëve është ndaluar në një krah të rrugës në lagjen “Partizani” në Vlorë dhe aty gjenden ekspertë të kriminalistikës që po marrin gjurmët për të shkuar te autorët.
Mësohet se në makinë ndodheshin një punonjës i Patrullës së Përgjithshme dhe një tjetër punonjës i Policisë Kufitare. Ngjarja sapo ka ndodhur dhe nuk ka ende detaje në lidhje me shkakun që çuan autorët për të qëlluar ndaj policëve, por sqarohet se makina e autorëve iu është afruar me shpejtësi anash makinës dhe ka ngadalësuar për një moment teksa ka qëlluar me breshëri plumbash, më pas janë larguar me shpejtësi skëterrë në drejtim të paditur.
Discussion about this post