Bruno dhe Floriana u larguan një muaj më parë si çift nga programi i dashurisë “Për’puthen”. Prej disa javësh ata ishin deklaruar për njëri-tjetrin dhe kështu vendosën të largohen nga programi dhe ta vijojnë lidhjen e tyre jashtë syrit të publikut.
Së fundmi ata janë shfaqur në shumë intervista ku nuk kanë munguar edhe skenat e xhelozisë me njëri-tjetrin. Gjithashtu në daljet e tyre ata kanë treguar se lidhja e tyre është ende në fazat e para dhe se nuk jetojnë bashkë.
Dy ish-konkurrentët nuk publikojnë shpesh bashkë foto në rrjetet e tyre sociale, duke krijuar kështu aludime tek ndjekësit. Por, deri më tani duket se çdo gjë është shumë mirë dhe ata janë të lumtur.
Dyshimet për marrëdhënien e tyre janë shuar pas një videoje të bërë publike nga Bruno i cili shikohet krah Anës, duke drekuar të buzëqeshur.
Kujtojmë se, ata janë çifti i dytë i këtij edicionit të emisionit të dashurisë. Më parë Bashkimi dhe Alvisa u larguan bashkë. Por, i dhanë fund lidhjes pak javë më pas. Pas Brunos dhe Florjanës dolën edhe Mikela dhe Erjoni.
Bruno është një ndër konkurrentët që ka pasur më shumë takime në këtë sezon të “Për’puthen”. Ai ka nisur takimet me Alvisën, Mikelën, Efin dhe në fund Florianën. Njohjet e mëparshme kanë nisur mirë dhe Bruno është treguar i afërt sidomos me Mikelën dhe Efin, por më pas, për disa arsye, njohjet janë ndërprerë. Pas hyrjes së konkurrentes së re, ai u fokusua tek ajo.
Discussion about this post