Kryeministri Edi Rama ka dhënë detaje se çfarë do të diskutohet nesër në mbledhjen e jashtëzakonshme me ministrat dhe deputetët.
Kjo mbledhje ka një tjetër peshë nga mbledhjet e zakonshme të grupit të PS dhe ministrave, pasi vjen pas arrestimeve dhe hetimeve të fundit që kanë përfshirë zyrtarë të lartë në nivel qendror dhe lokal të partisë, të cilët tashmë po përballen me dyert e SPAK.
Ajo që kuptohet nga vetë postimi i kryeministrit Rama është që në qendër të diskutimit do të jetë një analizë e fortë e qeverisjes deri në këto momente, roli i gjithsecilit, si dhe lufta kundër korrupsionit brenda partisë.
Me siguri edhe këtë herë Rama do të ‘nxjerrë shpatën’ kundër të gjithëve që kanë ngrënë kumbulla e dardha pas kurrizit të tij.
Ndërkohë vetë Rama paralajmëron edhe disa nisma të tjera Kombëtare në kuadër të programit “Shqipëria 2030”.
Discussion about this post