Vijojnë përplasjet në Komisionin e Sigurisë mes ministrit të Mbrojtjes, Niko Peleshi dhe deputetit demokrat, Ervin Salianji. Peleshi është pyetur nga Salianji nëse ishulli i Sazanit do të privatizohet nga ndonjë oligark.
“Pritet të ketë zjarre, po ngaqë nuk i shuani dot dhe e merrni me të qeshur këtë punë, prandaj u kemi thirrur përpara. A keni dijeni, kërkesë, aplikim apo ndonjë formë të caktuar nga ndonjë kompani, oligark që kërkon në përdorim apo privatizim ishullin e Sazanit duke u kërkuar ta nxirrni nga plani juaj? A është e njëjta kërkesë edhe në Karaburun? Akuzat për Sazanin janë që zjarri është i qëllimshëm për ti hapur rrugë ndërtimit të hoteleve. A ka kapacit qeveria të përballojë situatën nga zjarret këtë vit dhe cilat janë kapacitetet?”, tha Salianji.
Peleshi i mohoi këto zëra, duke thënë: “Nuk kemi asnjë kërkesë për privatizime të bazës. “Nuk mund të privatizohet baza ndihmuese e Sazanit. Nuk ka kërkesë, indicie, privatizim. Nuk ka lidhje zjarri me ndonjë konspiracion për të hapur territore të reja për ndërtime.”
Discussion about this post