Presidenti ukrainas, Volodymyr Zelensky, ka dalë në një deklaratë për mediat sot shumë i revoltuar, por që gjithashtu na prekur të gjithëve. Ai ka reaguar për ngjarjen e ndodhur në Bucha, ku rusët kanë vrarë me qindra civilë të pafajshëm. Trupat e pajetë të shtrirë rrugëve bënë xhiron e botës, ndërsa Zelensky e quajti gjenocid.
Madje, në një postim në Telegram, presidenti i Ukrainës ka një thirrje për gratë ruse: “Nënat e ushtarëve rusë, shikoni çfarë rritët. Nënat e ushtarëve rusë duhet ta shohin këtë. Shikoni çfarë keni rritur. Vrasës, grabitës, kasapë” , ka shtuar ai, ndërsa ka publikuar edhe foto nga mizoritë e ndodhura në qytetin pranë Kievit. Zelensky foli më herët për gjenocid në Ukrainë. “ Është me të vërtetë një gjenocid. Shfarosja e të gjithë kombit dhe popullit,” tha Zelensky.
“Ne jemi qytetarë të Ukrainës dhe nuk duam t’i nënshtrohemi politikës së Federatës Ruse. Për këtë arsye po na shkatërrojnë”, shtoi ai.
Discussion about this post