Flamur Noka ka sulmuar Bashën sot përmes një prononcimi për mediat, duke thënë se dorëzimi i firmave për mbledhjen e Kuvendit e frikëson atë. Ndër të tjera Noka akuzoi Bashën se është palë me Ramën dhe madje ky i fundit e paguan për të dobësuar PD.
Sipas Nokës, shumica vendos pro Kuvendit dhe askush nuk mund ta pengojë. “Pengkryetarit i kanë mësuar një gjë; Mënyra më e mirë për t’u mbrojtur është të sulmosh. Nuk ka qytetar që nuk e di kush është pengu. Nuk ka demokrat që nuk e di se kush e dogji dhe shkatërroi kauzat. Të gjitha këto e paraqesin si një pengkryetar. Basha paguhet nga qeveria e Edi Ramës.
Basha është palë dhe nuk është ai…Sekretari i Përgjithshëm është mëkëmbësi i tij. Kuvendi mund të mblidhet dhe e parashikon statusi. Mos prisni që shumica të paraqitet tek pakica. I vetmi institucion legjitim dhe i konstituuar është Këshilli Kombëtar. Shumica vendos, pakica duhet ta ndjekë pas”, tha ai. Sakaq, ai deklaroi se pas 11 dhjetorit PD do të çlirohet nga pengmarrja e Bashës.
Discussion about this post