Fakti që kryedemokrati Lulzim Basha iu ka bllokuar ndjekësve komentet në Twitter është diskutuar gjatë sot në rrjet. Ndërsa nuk ka munguar edhe një reagim nga deputeti Edmond Spaho. Përmes një postimi në rrjetin social Facebook ai shkruan se Basha është i trembur sepse nuk ka më pas tij asnjë aleat. Nën ironi, Spaho thotë se për Bashën po vjen dimri i vetmisë së madhe.
“Dimri i vetmisë së madhe. Ai qe kishte 95% të anëtarësisë pas vetes dhe mbështetje të madhe qytetare, ndalon komentet e tyre ne Instagram dhe Twitter. Vetmia është si te shohësh fundin tënd dhe të mos guxosh t’ia thuash kujt. Zgjidhi aleatet e t’u dhe mëso të luftosh në shoqëri pasi askush nuk e fiton luftën i vetëm, ka thënë Pablo Koelho. Ti jo vetëm aleate nuk di te zgjedhësh por kurrë nuk e deshe partinë e cila duhej te ishte shoqëria jote e madhe”, shkruan ai. Ndërsa shprehte se, 11 dhjetori do të jetë përgjigjja përfundimtare për Lulzim Bashën.
Discussion about this post