Konkurrenti i “Për’puthen”, Mevlan Shaba, ashtu si në sezonin e kaluar po gjendet për herë të dytë radhazi në një trekëndësh dashurie mes një biondeje dhe një bruneje. Bëhet fjalë për Efin dhe Filloretën, ku të dyja vajzat kanë shprehur pëlqim dhe kanë realizuar takime me konkurrentin.
Gjatë puntatës së sotme në studio është transmetuar takimi i Mevlanit me Efin, takim ky i cili solli edhe reagimin e konkurrentes tjetër e cila ka pëlqim për Mevlanin.
Takimi nisi me diskutime të ashpra nga ana e Efit, e cila ishte e bindur që ky takim do të ishte vetëm për sqarimin mes tyre.
“Do gjë prej meje”, u shpreh Efi gjatë takimit dhe Mevlani iu përgjigj: “Ty.”
Gjithashtu, konkurrenti shtoi se ka pëlqim ndaj saj, por ka frikë nga lëndimi dhe është shprehur se arsyeja e vetme e distancimit të tij ka qenë paqartësia që ajo ka pasur për djemtë e tjerë.
Mevlani i ka thënë Efit se nuk mund të pëlqejë tre veta njëkohësisht duke shfaqur shenja xhelozie. Megjithatë, takimi i tyre ishte i shkurtër pasi të dy konkurrentët vendosën ta linin përgjysmë.
“Fol taman siç flet kur jemi mbrapa kamerave ose mos fol më. Nuk kam më nerva.”
Së fundmi, gjatë diskutimit në studio ka folur edhe Filloreta, e cila është shprehur se nuk është as Lediana dhe as Antonela, dy ish-konkurrentet e sezonit të kaluar. Ajo shtoi gjithashtu se nëse shikon që Mevlani ka më shumë pëlqim për Efin do të lërë studion.
“Ende vazhdon flirtimi. Unë mund t’i them që nuk jam as Lediana dhe as Antonela që të hyj në mes, dhe të jem ne treshe. Këto gjëra tek unë nuk ekzistojnë. Ky duhet të dijë se çfarë do. Në momentin që unë jam këtu edhe e shoh që është i lëvizur atëherë dua t’i shikoj. Nëse shoh ndonjë gjë që nuk kam dëshirë ta shikojë syri im atëherë unë lë studion.”
Discussion about this post