Që pas largimit të yllit të ekipit Leo Messi, Barcelona vazhdon të jetë në qendër të vëmendjes për situatën brenda kampit katalan. Në konferencën për mediat trajneri Ronald Koeman është shprehur qartë se duhet të fillojnë kërkimin për një skuadër tjetër dy lojtarëve të tjerë, mesfushorit Pjaniç dhe qendërmbrojtësit Umtiti. Ai tha se dy lojtarët do ta kenë shumë të vështirë të gjejnë minuta në skuadër dhe vendimi për të ardhmen është në duart e tyre.
“Ndërsa Pjanic dhe Umtiti e kanë shumë të vështirë të gjejnë minuta dhe vendimi përfundimtar është gjithmonë nga ana e lojtarëve. Ata kanë një pozicion të komplikuar në skuadër”, – u shpreh ndër të tjera Koeman”- tha Koeman.
Trajneri Ronald Koeman u ndal edhe te talenti Ilyax Moriba. Numri një i stolit blaugrana shpërtheu në kritika pasi ky i fundit mendon vetëm për paratë.
‘’Kam folur me Moriba dy a tre javë më parë. I jam drejtuar më shumë si njeri i thjeshtë sesa trajner i Barçës. Situata e tij është e tmerrshme. Ai është e ardhmja e klubit, por ai nuk është me ne. Këshilla ime është se paratë nuk janë gjëja më e rëndësishme” – u shpreh Koeman.
Barcelona do të luajë në orën 22:00 ndaj Athletic Bilbao në transfertë. Mes futbollistëve të grumbulluar është edhe Rey Manaj, i cili pret debutimin me ekipin e parë.
