Sot është dita e fundit e aplikimeve nga fermerët për subvencionet e naftës. Bujqit dhe blegtorët e Korçës ankohen për vlerën e ulët të ndihmës që jep shteti. Ata thonë se bujqësia dhe blegtoria kanë kosto të larta dhe subvencionet nuk mjaftojnë as për t’i mbuluar ato.
Kriteret e shumta dhe burokracitë shtetërore ua kanë vështirësuar procesin e aplikimit, ndaj disa prej tyre po nxitojnë të plotësojnë dokumentacionin për të kapur afatin e fundit.
Në ditën e fundit të aplikimeve për subvencionet e naftës, fermerët e Korçës ankohen për vlerën e ulët të mbështetjes financiare që përfitojnë nga shteti. Ata theksojnë se bujqësia dhe blegtoria kanë kosto të larta dhe subvencionet nuk mjaftojnë për të përballuar rritjen e bagëtive dhe prodhimeve ushqimore.
Burokracitë shtetërore dhe kriteret e vendosura ua kanë vështirësuar punën fermerëve për aplikimin për subvencione. Për të përfituar nga skema e blegtorisë, kërkohet që një fermer ose shoqëri të ketë të paktën 10 krerë bagëti për të përfituar mbështetje financiare nga qeveria. Disa prej tyre janë bashkuar në grupe për të aplikuar, duke ndarë përgjegjësitë dhe të ardhurat.
Ndërkohë, disa fermerë janë përballur edhe me vështirësi në sigurimin e dokumentacionit, sidomos për të provuar qiratë e tokave.
Nga ana e Drejtorisë së Bujqësisë bëhet me dije se për skemën e naftës kanë aplikuar 10,300 fermerë. Interes ka pasur gjithashtu për skemën e bagëtive të imta me 680 aplikime, për skemën e blegtorisë me 690 aplikime dhe për atë të bletarisë me 720 aplikime.
/Syri.net/
Discussion about this post