Nuredin Dumani së bashku me vëllain e tij do të ekzekutoheshin në verën e vitit 2020, por atentati ka dështuar. Për vrasjen e dyfishtë është paguar shuma e 90 mijë eurove. Personi që do të kryente ekzekutimin është Hamid Skuqi, i arrestuar për vjedhjen me dhunë të një mjeti “Audi Q5” në pronësi të një shtetasi kosovar, bashkë me një shokun tij.
Skuqi pas arrestimit ka treguar se makinën e ka vjedhur me mikun e tij për të kryer vrasje, me porosi të një personi që quhej Gazi. Ky i fundit i ka kërkuar ekzekutimin e 2 vëllezëve, banesa e të cilëve gjendej në zonën e Shën Vlashit në rrugën e Nish Tullës.
Ai ka mësuar saktësisht banesën e shënjestrave si dhe fotot e tyre, por nuk e dinte se për kë bëhej fjalë.
Nga të dhënat që Skuqi ka treguar për hetuesit, ka dyshime që objektiv ishin vellezërit Dashamir e Nuredin Dumani.
Hetimet për këta rast janë veçuar, ndërsa ende nuk është bërë i mundur identifikimi i personit që ka urdhëruar vrasjen. Nga deklarimet e Skuqit, bëhet me dije se, shkak ishte bërë një konflikt për trafikun e drogës në Holandë mes porositësit dhe 2 vëllezërve.
Referuar dosjes hetimore, porositësi i kishte dhënë parapagesë 1 mijë euro Skuqit, si edhe një pistoletë tip Glock për të kryer vrasjen. Por atentati ka dështuar pasi mjetin që ata vodhën nën kërcënimin e armës, u fik pak kilometra pasi e rrëmbyen.
Discussion about this post