Ish-zëvëndës kryeministri, Gazmend Oketa u shpreh se 4200 firmat Berisha i dorëzoi në zyrën e gabuar.Sipas tij firmat nuk duhej të dorëzoheshin në zyrën e Edi Palokës, në funksionin e kreut të Këshillit Kombëtar.Në këndvështrimin e Oketës, firmat duhej të dorëzoheshin tek drejtuesit legjitim të PD-së, Lulzim Basha si kryetar i kësaj force politike dhe Gazment Bardhi si sekretar i përgjithshëm i PD-së.Kjo sipas tij do t’i hapte rrugën dhe verifikimit të listës.
“Është paradoksale që firmat të dorëzohen te dikush që nuk e gëzon këtë atribut. Pavarësisht preferencave, duam apo nuk duam, Lulzim Basha dhe Gazment Bardhi janë drejtuesit legjitim të PD-së. Firmat duhet të shkojnë aty ku duhet. Bardhi, në cilësinë e Sekretarit të Përgjithshëm i ka të gjitha listat, emrat e anëtarëve, do të mund t’i verifikonte shumë mirë. Çfarëdo që ndodh në PD, çdo kërkesë duhet të vijë me një vulë, me firmë dhe të shkojë aty ku duhet”, shton ai.
Berisha dhe mbështetësit e tij kërkojnë ngritjen e Kuvendit Kombëtar në 11 dhjetor, më qëllim shkarkimin e Lulzim Bashën nga drejtimi i partisë opozitare më të madhe në vend.
Discussion about this post