Drejtori i përgjithshëm i skuadrës së Partizanit, Olsi Rama ka theksuar se së bashku me presidentin Gazmend Demi morën vendimin për të vazhduar projektin me trajnerin aktual Ilir Daja i cili përfundoi në qendër të kritikave pas krizës tek kryeqytetasit.
Me gjithë situatën e krijuar, me presidentin menduam të vazhdonim si kishim nisur. Menduam të kalonim një krize më shumë se tekniko-taktike, pasi ekipi ka luajtur mirë e nuk ka marrë atë që ka shprehur.
Bashkë me presidentin Demi ngulëm këmbë që të vazhdonim projektin duke u bazuar te aftësitë e stafit, duke besuar që ekipi do të gjente mënyrën të shprehej në mënyrën e duhur. Futbolli është një sport i bukur edhe pse nuk është një shkencë ekzakte e nganjëherë nuk merr rezultatet që pretendon. Por në fund të fundit çdo të mbjellësh do të korrësh, ndaj ne presim me kujdes.
Ngulëm këmbë që të vazhdonim me Dajën, ai ka integritet moral të lavdërueshëm dhe ka marrë përgjegjësitë e veta, kemi bërë diskutime të hapura për mënyrën se si të kalojmë këtë periudhë”, tha drejtori i përgjithshëm i skuadrës së Partizanit, Olsi Rama.
Discussion about this post