Nisma rajonale e “Open Balkan”, do të “zhvendoset” në Tiranë. Presidenti i Serbisë, Aleksandar Vuçiç, do të vizitojë Tiranën më 20 dhe 21 dhjetor, ku do të marrë pjesë në takimin e iniciativës rajonale “Ballkani i Hapur”.
Sipas mediave serbe në takimin e Tiranës, do të marrë pjesë edhe kryeministri në ike i Maqedonisë së Veriut, Zoran Zaev.
Takimi i fundit në kuadër të iniciativës “Ballkani i Hapur” është mbajtur në fillim të muajit nëntor në Beograd. Presidenti serb Aleksandar Vuçiç atëherë paralajmëroi se takimi i ardhshëm do të mbahet në pjesën e dytë të muajit dhjetor, ku siç pritet do të mund të nënshkruhet Memorandumi i mirëkuptimit lidhur me lejet e punës. Në bazë të kësaj marrëveshjeje leja e punës, e lëshuar në cilëndo nga tri vendet, do të vlente për vendet anëtare të iniciativës, Shqipëri, Serbi dhe Maqedoni e Veriut.
Discussion about this post