Operacioni i SPAK/ Arrestohen zv.Drejtori i Burgut dhe ish-gjyqtarja, urdhër-arreste edhe për policë – Emrat

Detaje të reja nga megaoperacioni i SPAK që po zhvillohet në disa qytete si Elbasani, Durrësi dhe Tirana.

Në pranga është vënë edhe zv.Drejtori i Burgut të Bradasheshit, Martin Musaj, i cili dyshohet se ka lidhje me grupet kriminale në qytetin e Elbasanit. Musaj është shkarkuar nga detyra pas arrestimit.

Ndërkohë gjatë operacionit në Elbasan është ekzekutuar edhe masa “arrest shtëpie” edhe për ish-gjyqtaren Pajtime Fetahu.

Mësohet gjithashtu se ka disa urdhër-arreste edhe për efektivë të policisë – Agustin Cinari, shefi i krimit financiar të Durrësit, si dhe disa persona të tjerë nga Elbasani, të përmendur më herët në raportimet e kronikës së zezë.

Një ndët ta është Hajdar Bako alias Hajdar Copja alias Hajdar Hysa, për të cilin policia njoftoi arrestimin në Maj në Dubai, me qëllim ekstradimin drejt vendit tonë si dhe Talo Çela, në kërkim për disa vrasje.

Mësohet se personat ndaj të cilëve janë lëshuar urdhër-arreste janë: Talo Çela, Altin Kamami, Rexhino Doci, Arben Lamcja, Arsen Mema, Eljo Bitri, Leam Rragami, Elvis Daka alias Dragoviç, Dorjan Dyli, Matilda Hoxholli, Denada Todi, Flobenc Mecja, Armis Stafa, Maksim Koci, Erzen Çopja, Franc Çopja, Hajdar Bako alias Çopja, Mikael Qosja, Martin Musaj, Guri Biba, Pajtime Fetahu, Renato Masuku, Leonardo Rragami.

Aksioni i SPAK vjen pas zbërthimit të bisedave në “SKY ECC”. Sipas hetimeve, janë zbuluar disa vepra të rënda kriminale, përfshirë edhe vrasje.

Lexo edhe:

*Përgjimet në “SKY”, SPAK lëshon 30 urdhër-arreste

*Aksioni i SPAK, vrasjet që zbardhën hetimet