Operacioni antidrogë i koduar “Restart” ka çuar në 7 numrin e trafikantëve të arrestuar për 252.4 kg lëndë narkotike të sekuestruara një muaj më parë.
Burime nga policia për gijotina.com bëjnë me dije se është godit një tjetër rast i tentativës për trafikim droge në drejtim të Greqisë, ku u bë arrestimi në flagrancë i një pjesëtari tjetër të këtij grupi kriminal konkretisht S. K., 42 vjeç, banues në Korçë.
Trafikanti, është kapur nga shërbimet e policisë në aksin rrugor Korçë-Kapshticë, me automjetin tip “Volvo”, gjatë kontrollit të të cilit iu gjetën e sekuestruan në cilësinë e provës materiale 72 pako me peshë 65 kg lëndë e dyshuar narkotike kanabis, sasi e cila do të trafikohej në drejtim të shtetit grek.
Gjithashtu po në kuadër të këtij operacioni, u bë ndalimi për veprën penale “Trafikimi i narkotikëve”, kryer në bashkëpunim, ngelur në tentativë, i trafikantit të identifikuar me iniciale E. F., 32 vjeç, banues në Korçë, i dyshuar si i implikuar në ngjarjen e datës 06.11.2021, ku u arrestuan në flagrancë 4 L. R; J. M; I. M. dhe A. Ç.
Në bashkëpunim të ngushtë me Prokurorinë, hetimet për këtë operacion po vijojnë për kapjen dhe vënien përpara përgjegjësisë ligjore edhe të personave të tjerë të implikuar.
Discussion about this post