Edhe seanca e sotme plenare duket se nuk do të jetë e qetë.
Ende pa nisur zyrtarisht Kuvendi, deputetët e opozitës kanë tentuar që të hyjnë të parët në sallë, ndërkohë që janë hasur me rezistencën e Gardës, e cila ka ushtruar kontrolle në çantat e tyre.
Në një moment dëgjohet deputeti Flamur Noka teksa thotë se është një shtet banditësh, ndërsa shton se; do ju vijë fundit.
Ndërkohë Vokshi akuzon Gardën se i ka kontrolluar dhe çantën. “Turp, kontrolloni dhe çantat e grave!”, tha ajo.
Karriget e ligjvënësve, sikurse edhe në seancat e mëparshmë janë përmbysur dhe grumbulluar në mes të sallës, përpara foltores.
Ndërkohë gardistët, të cilët, janë përplasur me deputetët e opozitës janë vendosur gardh tek foltorja dhe korridori i sallës së Kuvendit.
Discussion about this post