Vjosa Osmani, Presidente e Kosovës, ka takuar në Moldavi dy krerët më të rëndësishëm të Evropës, kancelarin e Gjermanisë, Olaf Scholz dhe presidentin e Francës, Emmanuel Macron.
Gjithashtu ajo ka pohuar se ka takuar edhe presidentin e Serbisë, Aleksandar Vuçiç, bashkë me Macronin e Scholzin. Sipas Osmanit, në takimin 10-minutësh, u dëshmua që Vuçiç nuk është i interesuar për paqe.
“Në fund të takimit me Presidentin Macron dhe Kancelarin gjerman, ata propozun që të kishte edhe një diskutim jofromal me Presidnetin Vuçiq, natyrisht që në takim ishte edhe Përfaqësuesi i Lartë i Bashkimit Evropian, Josep Borrell. Dhe pas takimi që ata e kishin trelateralë dhe me Vuçiq, kishim diku një takim me 10 minuta të përbashkët, ku edhe një herë u dëshmua se zoti Vuçiç nuk është i interesuar për zgjidhje e as nuk është i interesuar për paqe, por në fakt është burimi kryesor i jostabilitetit në të gjithë rajonin tonë”, deklaroi ajo në RTK.
Ajo tregoi se çka i kërkoi Vuçiçit.
“Unë para tyre kam kërkuar nga Vuçiçi që të largojë ushtrinë nga kufiri, që të largojë bandat kriminale nga Kosova që të zbatojë listën e gjatë të marrëveshjeve që nuk e ka zbatuar, e kam pyetur a ka marrëveshje sipas teje, sepse ai paraqitet para palëve të tjera që kinse i respekton marrëveshjet, por publikisht del dhe thotë nuk do t’i zbatojë”, shtoi ajo.
“Zoti Vuçiç si zakonisht ankohet dhe bërtet dhe shumë çka tjetër, por është natyra e tij”, vlerësoi Osmani.
Discussion about this post