Premier League është ndër të paktat kampionate në Europë që nuk ndalet as për periudhën e Krishtlindjeve.
Pikërisht një ditë pas festës, do të luhen ndeshjet e radhës të kampionatit, mes të cilave janë shtyrë Liverpool-Leeds, Ëolves-Ëatford dhe Burnley-Everton. Shkak për këtë janë bërë rastet me Covid-19, që kanë qenë të shumta javët e fundit te klubet.
Megjithatë Liga mori vendimin që të vazhdojë, pavarësisht numrit të lartë të infektimeve dhe rrezikimit të shëndetit të futbollistëve.
Nisur nga kjo, Pep Guardiola dhe Jürgen Klopp u shprehën kundër mosmarrëveshjes së Boxing Day dhe ngritën kundërshtime, madje trajneri i Cityt foli për një grevë.
Simon Jordan, ish-presidenti i Crystal Palace, sulmoi ashpër dy teknikët në radion angleze “talkSPORT” për shkak të pozicionit që ata mbajtën.
“Si thoni ta shtrëngoni veten për të kuptuar sa me fat jeni, sepse po të mos ishte futbolli, gjysma prej jush do të punonin në McDonalds?
Tifozëve u pëlqen kjo traditë. A keni harruar se ku jeni? Ajo që ju mban aty ku jeni është pikërisht kërkesa për këto ndeshje. Nëse nuk do të ishte kjo, as ju dhe as kolegët tuaj nuk do të merrnit dhjetëra milionë paund në vit.
Pep mund të arrijë sukses, por dyshoj se mund ta arrijë pa një libër çeqesh. Mjaft! Luani lojën e mallkuar. Shumica e lojtarëve që njoh me të vërtetë duan të luajnë në këto ndeshje”, u shpreh Jordan.
Discussion about this post